軟橋米苔目餐廳 (已搬遷) 新店位置

天氣凍最岩食麵暖下身，就咁聽米苔目呢個名完全諗唔到咩黎，仲要開係鴨寮街呢條少野食既街道。間鋪唔大，但客似雲來。經常一番細閱，發現係類似狗仔粉咁既，餐牌簡單易睇，類近車仔麵揀麵底同餸，，個湯幾清甜，肉類入味。蒜香白肉白肉既辣度唔太勁，本身唔食得辣既都仲接受到。白肉醃得好入味，蒜香陣陣，辣中又帶D甜。Q彈豆腐睇落似豆卜，但咬落去既口感又有少少似魚腐，煎香左既外表加少少調味粉，係呢個天氣份外野味。蟹肉碗仔翅整體比較"結"同味道較為淡，但蟹肉既量唔算少，算係互補不足。