鼎王麻辣鍋 (金巴利道) (已結業)

鼎王響台灣食過，一試難忘，仲幫襯左兩次😋😋 今次終於可以試下香港分店，睇下同台灣鴨血既味道有無分別。試左後，係一樣味道，都係咁好食，麻辣鴨血同台灣一樣，無限添加。今次我除咗試麻辣鴨血湯外，仲試埋另一個湯底，酸菜湯，可以選擇酸度，唔夠酸可以免費加酸，酸菜都一樣免費添加。 食物方面同出面打邊爐既質數差唔多，都係冰鮮牛肉，呢間出名食油條，但我覺得一般，如果大家想試，可以一試。 食物方面睇大家喜愛，如果選擇湯底，我推介麻辣鴨血湯底，又唔太辣，同台灣一樣，好好食😋