更多
2019-03-17
633 浏览
可能适合对象：鲜果挞 /栗子挞甜度（5星最甜）：⭐️⭐️⭐️浓度（5星最浓）：⭐️⭐️⭐️🍴：餐具 ✔️/ 蜡烛 ✔️ / 冰袋 ✔️/ 纸盒✔️🏷：✔️（免费朱古力牌）💬：由于去之时，接近休息，两位店员都睇得出好攰啦，但最基本嘅Service都系有嘅。不过相比上一次买蜜瓜蛋糕嘅经历，上次好好多。🛒：湾仔🔘：件装/ 个装💰：$58-$68 不等/ $580-$620 不等————————————————————————性价比：中上大家仲有冇印象我哋曾经介绍过原个蜜瓜蛋糕？由于个个系期间限定，我哋又迟咗介绍，等到出Post当日，原来已经冇卖！好后悔当时介绍唔切。所以今次决定俾𠵱个蛋糕打一打尖，排佢出Post先！今次介绍嘅系两款切件挞，分别系「期间限定」嘅士多啤梨挞同栗子挞。其实士多啤梨挞一直都有，平日仲卖$58一件。之不过今期推出嘅系期间限定嘅熊本市士多啤梨造成嘅，而唔系佢哋平日用开嘅美国或者韩国士多啤梨，所以都贵咗$10，卖$68件。餐牌上系冇写价钱有变，反而系个同事嚟落单时先讲，公司方面可以注意一吓。至于蛋糕方面，士多啤梨挞同一般嘅士多啤梨挞卖相冇话有咩与众不同，都系稳阵卖相，冇咩咁Signature。士
甜度（5星最甜）：⭐️⭐️⭐️
浓度（5星最浓）：⭐️⭐️⭐️
🍴：餐具 ✔️/ 蜡烛 ✔️ / 冰袋 ✔️/ 纸盒✔️
🏷：✔️（免费朱古力牌）
💬：由于去之时，接近休息，两位店员都睇得出好攰啦，但最基本嘅Service都系有嘅。不过相比上一次买蜜瓜蛋糕嘅经历，上次好好多。
🛒：湾仔
🔘：件装/ 个装
💰：$58-$68 不等/ $580-$620 不等
————————————————————————
性价比：中上
大家仲有冇印象我哋曾经介绍过原个蜜瓜蛋糕？由于个个系期间限定，我哋又迟咗介绍，等到出Post当日，原来已经冇卖！好后悔当时介绍唔切。所以今次决定俾𠵱个蛋糕打一打尖，排佢出Post先！
今次介绍嘅系两款切件挞，分别系「期间限定」嘅士多啤梨挞同栗子挞。其实士多啤梨挞一直都有，平日仲卖$58一件。之不过今期推出嘅系期间限定嘅熊本市士多啤梨造成嘅，而唔系佢哋平日用开嘅美国或者韩国士多啤梨，所以都贵咗$10，卖$68件。餐牌上系冇写价钱有变，反而系个同事嚟落单时先讲，公司方面可以注意一吓。
至于蛋糕方面，士多啤梨挞同一般嘅士多啤梨挞卖相冇话有咩与众不同，都系稳阵卖相，冇咩咁Signature。士多啤梨，日本嘅，甜度/好味道都预咗系咁，食落都系冇咩话咩惊喜。而成个挞嘅建筑结构就系士多啤梨，薄层蛋糕，吉士，再到挞底。薄层蛋糕软熟，薄，薄度食到都唔察觉。但Custard方面出色，冻冰冰嘅蛋糕，食到Custard系几好味，再加埋个较硬身嘅挞，最攞分就系个Custard加挞。
而栗子方面仲易形容，只系将面嘅士多啤梨换走，改做栗子蓉，成事！栗子个个相对高少少分，可能始终都要做啲手脚先做到蓉，唔系斋买士多啤梨放上面。个蓉系食到有粒粒栗子，甜度浓度都恰好，最曳就系粒挞顶嘅栗子。佢好Raw，真系冇做过咩，好似用水烚完就放上去咁，糖渍一吓会好啲，哈哈，分享完毕。
士多啤梨挞
$68
37 浏览
0 赞好
0 留言
栗子挞
$58
40 浏览
0 赞好
0 留言
张贴
