秘 (享成街)

星期五大概6:30開始排隊，排咗一個鐘有得食。餐廳內氣氛唔錯，坐位不多，燈光偏暗。不過由於係主打食吉列牛，小小嘅空間充斥住油煙味，不過可以接受。冷氣都開得幾大。

叫咗一個鰻魚飯，冇加定食，$78，唔使加一。

等咗15分鐘送到。用木碟裝住，同埋用木匙羹，兩樣嘢都已經用到梅梅哋，觀感普通。

多骨

$78

賣相唔錯，飯粒煙靭。鰻魚唔算好肥，都算厚實，調味唔錯，夠味偏甜，汁都足夠。但因為冇其他配菜，所以食到一半會覺得好膩。最重要嘅係，食到近尾嘅部份好多骨。係細骨，好吉，唔係入口即溶嘅骨，每啖都有好多，好影響口感同食慾。

總括嚟講，下次唔會再食。