鴨大哥 (太古坊)

今日去左鰂魚涌試下新開張嘅鴨大哥
場內坐位適合朋友聚餐傾計
黎到鴨大哥要叫下佢啲招牌菜食🤤

🥢北京烤鴨半隻
烤鴨皮好脆 有鴨油香 份量都唔少
麼麼皮有蠟燭座熱住 每塊都暖粒粒
仲有甜醬、酸梅醬、紅糖、青瓜、京蔥比我地自己配搭黎食😋

北京烤鴨

🥢荔枝山楂咕嚕肉
咕嚕肉賣相晶凝通透 有拉絲感
外皮食落仲好脆 半肥瘦豬肉質好軟腍 個汁酸酸甜甜咁 好開胃

荔枝山楂咕嚕肉

🥢海鮮鴨湯泡飯
泡飯熱砂鍋上 好大鍋
湯底清甜 用料好豐富 有好多鴨肉絲、蝦粒、帶子粒
最喜歡加埋佢個脆米粒一齊食 增加左口感仲有小小焦香味!

海鮮鴨湯泡飯