海街丼 (海光街) (已搬遷) 新店位置

之前食過一次魚生飯覺得麻麻地，今次同事又話想去食下，今次已經醒目唔再叫魚生飯，叫咗個熟食丼飯，但都係麻麻地😂證明真係唔使再去。🍴 滑蛋豬扒丼 $85 (5/10) 另收加一套餐有包一杯綠茶或烏龍茶，有麵豉湯，是日前菜係茄子。張相係睇落幾靚，但其實都睇得出個豬扒幾細舊😂豬扒吸晒汁，勁淋，冇咗原本吉列豬扒脆嘅口感，豬扒肉質都正常，唔會太硬太乾，不過個粉太厚豬扒好細舊，仲要好多肥膏🤣個飯用咗珍珠米嘅，但個滑蛋同洋蔥真係偏鹹咗，味霖同埋鹽都好重手，都唔算係滑蛋不過未去到好老，撈埋飯食都覺得有少少鹹🥲茄子就正常茄子，麵豉湯都係偏鹹嘅麵豉味，烏龍茶正正常常加咗冰，就比較淡，$85一碗真係唔值得，個質素都跟唔上價錢😂推薦指數: 5/10得個賣相靚，食落真係茶餐廳質素，無性價比可言，$85仲要加一，真心貴但未值呢個價錢，唔特別推薦去食，但未到中伏。