坐忘

营业中

休息中

平日放工夜晚同友人食夜晚，大約7點半好彩有位唔使等。一坐低就有兩杯水送上，服務周到。一到8點門口就開始多人，需要排隊。木系桌椅，雖然硬咗啲，但勝在燈光充足舒服，坐耐啲傾計都得。試咗最招牌豬軟骨野菜咖哩飯，果然名副其實，肉質好焾又入味，岩唒重口味人士😋伴碟野菜都唔馬虎，有翠肉瓜、紅蘿蔔同薯仔條，食得出餐廳用心烹調。除咗豬軟骨啖啖肉，仲有野菜咖哩飯，適合減肥或素食人士😄 $69免加一，港島黎講性價比高！下次一定再黎食，晚市建議8點前黎食，8點後就開始要等位啦。餐廳只收現金或8達通，記得帶定散紙。