喺附近返工，其實都見過依間cafe幾次。佢啲咖啡好似幾大杯，又有清新小吃。今日終於來試一次。入邊環境好寬闊，好快就有位，到QR code order，食物好快就到。我哋叫咗三文魚意粉，鰻魚飯同埋兩杯嘢飲。我自己好鍾意嗰杯鐵觀音拿鐵，朋友嗰杯綠茶都好好飲。鐵觀音latte，完全唔甜，有好濃郁嘅鐵觀音同埋咖啡味。份量好多，完全可以坐一日。三文魚意粉，好Creamy，三文魚份量亦都好多。意粉再加咖啡嘅配搭，一樂也！！朋友嘅鰻魚飯，亦都好好食，飯係珍珠米，鰻魚唔會太鹹。見有時間，叫多兩個甜品，我嗰個香蕉桃乳酪雪糕好好食，唔係好甜，下層仲有脆片，食到好飽！見到佢仲有其他主食同甜品，例如牛角包窩夫，沙律，truffle pasta都好似好好食。下個禮拜午餐又可以試吓佢其他嘢囉。
以上食记乃用户个人意见 , 并不代表OpenRice之观点。
赞好
推介美食
鐵觀音Latte
用餐途径
堂食
