南大門

营业中

休息中

星期四晚公司食飯，有同事推薦呢間海鮮酒家，因為佢之前食過話好食。訂咗一圍十六位，個個同事好期待呢間同其他有咩特別。原來南大門位於燈塔旁，可以於坐擁維港港口夜景之中邊食邊飲，環境極佳，果然名不虛傳。食海鮮最重要係買到好嘅海鮮，之後就係有好嘅烹調技術，美和海鮮以及南大門我絕對推薦，最後的是服務質素，新認識嘅服務員燕姐等人態度甚好及美和忠嫂服務超佳，絕對有賓至如歸嘅感覺。重點出場，前菜小食係出名的皮蛋酸薑，掛住影海景相，忘記相機食先，但真係好好味。第一道菜係熱辣辣嘅燒鵝皇 (因有同事介紹而得到免費燒鵝一隻…正!)，當然又係忘記影相。之後係 (可以睇相)豉油皇海蝦薑葱炒蟹避風塘瀨尿蝦豉椒蟶子皇蒜蓉粉絲蒸扇貝炒龍躉球紅燒龍躉頭腩椒鹽鮮魷辣酒花螺甜品南瓜露最後係海鮮檔送嘅芒果同木瓜每人都唔駛$500，又好食價錢又大眾化，個個食到飽飽，兼且讚不絕口，值得再來。