.
📌椒鹽斑馬瀨尿蝦
全日嘅𝒎𝒗𝒑 未食過咁鮮甜嘅瀨尿蝦 夠多肉 肉質又爽口夠彈牙🤩炒得好有獲氣 椒鹽味好香 但又唔會蓋過蝦嘅鮮味🤤揀咗軟殼嘅瀨尿蝦 應該係有走過油好脆卜卜 好似軟殼蟹咁 連啲殼都可以食埋🥳面頭仲有勁多爆香過嘅炸蒜🧄連埋個蝦一齊食夠晒惹味🔥
.
📌芝士焗龍蝦伊麵
因為之前都嚟過一次 不過係食漢記🙈呢間嘅龍蝦伊麵比下去了🥺個龍蝦肉都鮮甜嘅 不過就唔算太多膏🤔但係啲芝士份量勁多 鋪滿成個面🧀但係芝士嘅鹹香味唔夠 似係加咗好多忌廉 奶味比較重🤭但係個伊麵底幾煙韌 唔會太腍一𝒑𝒂𝒕𝒑𝒂𝒕🤓但係整體質素同平時酒樓差唔多👀
.
📌油泡墨魚
第一次食咁樣煮嘅墨魚🦑用咁淡口嘅煮法 好帶到墨魚嘅鮮味😚出奇地唔韌 好爽口 牙力唔好都一樣食到😎佢仲配埋蝦膏醬 嫌唔夠味可以點嚟食😋
.
📌油鹽水浸花甲
每隻都好大好肥美😍湯底唔濃味 個花甲好鮮甜😚飲埋個湯都仲得🍲
.
📌菠蘿咕嚕肉
食海鮮都要食下肉嘅🐷個咕嚕肉個皮炸到好脆 真係外脆內嫩 又冇豬騷味👍🏻最鍾意佢個汁夠酸 食落好開胃😌估唔到連炒小菜都做得唔錯 份量又夠多🥰
.
📌椒絲腐乳炒通菜
雖然係腐乳 但呢個味道比較清🙈水份比較多 炒得唔夠香 唔太有獲氣🔥
