潮丸 (已結業)

男友話尖沙咀有間好潮既潮州粉麵店想去試下，咁出開果邊買野就同佢去試下啦。坐落真係幾舒服，比一般傳統既粉麵店乾淨。價錢亦唔算貴，而且特級牛丸王同特級墨丸王好似好正咁。潮丸落單都幾環保，用mark筆劃食物，抹左又可以再用返。潮洲魚三鮮河粉追加特級牛丸王同特級墨丸王。魚三鮮包括了魚旦、魚片頭和魚皮餃。魚旦好彈牙，而且鮮味十足。魚片頭又大大塊，食落爽口。至於魚皮餃就差少少，未食魚皮就散左啦。✨推薦✨特級牛丸王：手打牛丸真係無得彈，佢比出面食既大粒彈牙，唔止咁，食落好重牛肉同牛油香，仲食到牛肉既「鮮甜」真係唔講得少，好好味呀！👍🏻👍🏻👍🏻✨推薦✨特級墨丸王：墨丸王都唔錯，大粒爽彈，墨魚味香同鮮。我地仲點了數款小菜，包捨生炸雞中翼、炸魚皮、油菜和滷水豆腐。✨推薦✨生炸雞中翼：雞中翼炸得岩岩好，外脆內嫩，可以係醃製過程中加入香料會更好味！👍🏻👍🏻👍🏻炸魚皮：炸得幾脆，食落香脆可口，而且大大塊。分量足。配上湯浸一浸味道都幾好味。油菜：食得出菜好新鮮，燙一燙又真係唔錯喎。滷水豆腐： 滷水味可以再重d，滷耐少少就更好啦。豆腐就一般般，可以切細塊少少就岩曬女仔食啦！✨推薦✨凍檸茶 小妹唔太鐘意飲一般茶餐廳既