Seafood Stand

呢間餐廳都開咗一排，一直無乜意欲去試。

但早兩日附近幾間想食嘅餐廳，唔係菜色唔啱食，就係無位。見呢間幾企理，又有位，就試吓！

餐廳主打漢堡包，其他枱枱都係食漢堡，不過小妹就麻麻。所以揀咗招牌海鮮意粉。同餐牌張相一樣咁靚，有暖碟，相當好。

有1隻小龍蝦、1隻帶子、4隻青口，意粉軟硬適中，醬汁好味。小龍蝦鮮甜，蝦身從中間已經切開，不過食起上嚟始終有啲難度。帶子都幾好，但似乎有啲過火。青口有1隻有少少沙，尚可，味道偏淡；如果加醬汁煮一陣，會好啲。

總括呢講，唔錯，服務幾好，坐得幾舒服，少貴。