宏 (已搬遷) 新店位置

日本野除左壽司同刺身之外最吸引莫過外於佢嘅熱食料理。之前一直都有聽過朋友介紹呢間分店都唔少嘅宏，話有個烏冬好好食，今日行完街經過終於就試左。坐低叫咗個鰻魚定食，個餐跟埋烏冬，唔洗我諗揀邊樣好就可以食到我最喜愛嘅鰻魚同朋友個推薦。鰻魚飯一開蓋香噴噴，雖然鰻魚唔係十分大條但燒得十分入味，日本米一滴不漏吸收曬鰻魚精華，好味！而個烏冬有一陣淡淡嘅鮮味，陣陣海鹽嘅味道，口感彈牙，怪唔得朋友極力推薦。甜品叫咗抹茶系列-抹茶奶同抹茶窩夫，抹茶味甘香味濃郁，非常之有水準，值得再試呀！