田中寿司 (已結業)

今晚去荃灣行街搵野食，見到間舖門口有條勁大既金槍魚，原來係專門店來的！一於就試下啦！店舖裝修都好有日本風格，都幾有私隱度，枱與枱之間有道簾隔住，店員親切有禮，會主動有善地介紹鮪魚係每日新鮮運到，同埋有8月做更個優惠，叫一客本鮪三貫壽司盛，就即送一杯生啤！都幾抵的！茶碗蒸都好足海鮮料，有帆立貝同蝦！叫左大將二人前，有八小碟，擺碟好有心思，用上幾種唔同既鮮花，非常之岩打卡，我係分到有普通、中級同大拖羅，但係有啲其他部位係平時好少會食到，對吞拿魚有要求既朋友應該要試吓！挑戰一下味蕾！鮪魚刺身好厚身，口感好豐富，中拖羅已經好正了，大拖羅真係無得輸，係口腔慢慢溶化！ 令我有驚喜既唔單止係金槍魚，連份和牛他他都好正，甜甜地配埋麻油味，日本蛋，靚和牛，好美味！飯後甜品仲有魚仔型既紅豆銅鑼燒，熱熱的，幾好味！