常歡笑

最近公司附近開左間鮑魚專門店，初初以為係賣乾貨，原來係做蒸飯燉湯等，見到食材優質，又好多人買外賣，一於試下。

有我最鍾意的鮑魚雞絲碗仔翅，有2粒一口鮑魚，碗仔翅材料非常豐富，有雞絲、木耳、素翅等，價錢又五貴。

鮑魚雞絲碗仔翅

$35

仲有至尊一級鮑汁蝦子撈麵，都幾大碗，加錢仲有細細隻鮑魚，撈麵彈牙無鹼水味，好惹味。

至尊一級鮑汁蝦子撈麵

$35

一定不可以少的是燉湯，特別秋冬要飲湯水，點左頂級韓國鮮鮑魚燉野菌，呢度的 燉湯都燉4-6小時，仲有大大粒韓國鮮鮑，湯頭鮮甜。

頂級韓國鮮鮑魚燉野菌

$98

堂食座位不多，可以叫外賣，我見好多熟客黎買，仲會定期轉換餐單。