樂湯雞麵館 x 火鍋 (西洋菜南街) (已結業)

自從上年冬天喺銅鑼灣分店買咗碗雞湯俾正要準備足球比賽嘅老公飲，佢連過咗去嘅夏天一個月都要食佢三四次🥵熱到狗咁都話要去飲雞湯。而家天氣凍番啲，適逢老爺生日，一於帶佢哋嚟打邊爐😋本身仲諗住四人套餐都未必夠飽(一家人都比較大食🤪)點知食到最後差啲要打包海鮮非常之新鮮，隻隻都好大隻😋老人家冇相機食先嘅習慣，所以回過神來啲牛同啲丸都已經夾咗落去😩啲手打丸真係非常之出色，如果唔係食到鬼咁飽，真係想再單點😻😻😻真心想讚讚啲Staff服務態度非常之好，得閒就行過嚟問吓我哋有咩需要，氹得兩個老人家好開心