林昌記辰昌小食 (已結業)

林昌記嘅魚蛋有幾出名，唔使我多講，老闆早前喺油塘街市開咗間令和小食，繼續賣魚蛋燒賣等街頭小食，據聞最近已經改咗名做林昌記辰昌小食。喺藍到發黑嘅油塘開黃店，剩係呢一份勇氣已經值得支持。呢度嘅皇牌當然係魚蛋，據稱係用優質海魚製造，每粒魚蛋含魚成份超過 98%，真係唔講得笑。試一啖，果然真材實料：魚蛋有魚味但唔腥，肉質爽滑超彈牙，唔會硬掘掘成舊粉咁，好正。再試埋海鮮燒賣，據稱每粒燒賣含海魚，八爪魚同墨魚，味道同口感同一般小食檔嘅燒賣好唔同，又係唔會硬掘掘成舊粉咁，仲有少少鮮甜嘅味道，唔錯。唯一要改善嘅係出食物嘅程序，感覺上唔太流暢，所以雖然排隊嘅人唔算多，但係等嘅時間比想像中長😂。