影片
更多
2021-06-04
159 浏览
❀ 鬼混 #铜锣湾 #💛 ❀❗️鬼怪为题特色fusion餐厅 多种首创菜式打卡一流❗️——————————————————最近铜锣湾呢间已鬼怪为主题嘅餐厅人气爆灯💥装修环境用上好多鬼怪摆设，制造种鬼秘得嚟又吸引嘅感觉👻而且佢哋菜色亦非常打卡able，充满创意。建议想食嘅预先上网book位，咁就唔使排队。而家午市人均消费$100或者晚市人均消费$300仲会送戏飞😹除咗餐厅之外，其实佢哋仲有个5D鬼屋，当中会同入面嘅鬼怪互动，朋友曾经玩过都话唔错(⁎⁍̴̛ᴗ⁍̴̛⁎)！另外餐厅出面亦摆放左一啲有关鬼怪嘅免费展览，成个题材真系非常新鲜，都值得一访🙌🏻。.✷𝑀𝑒𝓃𝓊✷☞ 水牛芝士气球莎拉 $128 (3.5/5)一见到呢道菜就会知道系呢间餐厅嘅出品！用水牛芝士整成嘅气球真系好得意，不过原本以为一拮会爆，点知原来只系慢慢漏气🙈。口感少擦胶，无咩味，后尾睇返餐牌见写住话Don’t eat the balloon, it’s completely tasteless😂不过上菜𠮶阵时侍应就有同我哋讲爆之后捞匀食?.?Anyway就系一个正正常常嘅沙律，用上osmanthus dressing，味道酸酸甜甜同平时柚
❗️鬼怪为题特色fusion餐厅 多种首创菜式打卡一流❗️
——————————————————
最近铜锣湾呢间已鬼怪为主题嘅餐厅人气爆灯💥装修环境用上好多鬼怪摆设，制造种鬼秘得嚟又吸引嘅感觉👻而且佢哋菜色亦非常打卡able，充满创意。建议想食嘅预先上网book位，咁就唔使排队。而家午市人均消费$100或者晚市人均消费$300仲会送戏飞😹除咗餐厅之外，其实佢哋仲有个5D鬼屋，当中会同入面嘅鬼怪互动，朋友曾经玩过都话唔错(⁎⁍̴̛ᴗ⁍̴̛⁎)！另外餐厅出面亦摆放左一啲有关鬼怪嘅免费展览，成个题材真系非常新鲜，都值得一访🙌🏻。
.
✷𝑀𝑒𝓃𝓊✷
☞ 水牛芝士气球莎拉 $128 (3.5/5)
一见到呢道菜就会知道系呢间餐厅嘅出品！
用水牛芝士整成嘅气球真系好得意，不过原本以为一拮会爆，点知原来只系慢慢漏气🙈。
口感少擦胶，无咩味，后尾睇返餐牌见写住话Don’t eat the balloon, it’s completely tasteless😂不过上菜𠮶阵时侍应就有同我哋讲爆之后捞匀食?.?
Anyway就系一个正正常常嘅沙律，用上osmanthus dressing，味道酸酸甜甜同平时柚子差唔多，都加上咗少许血橙、莓、火龙果，算系几清新。
原来底下仲有一大层牛油果，不过overall我觉得偏贵，真系for打卡。
水牛芝士气球莎拉
$128
11 浏览
0 赞好
0 留言
.
☞ 龙虾汤配脆米伴海蜇头珊瑚蚌 $218 (3.9/5)
玩转fusion菜🤣！
西式嘅龙虾汤用上中式茶壶去装住，龙虾鲜味特出，不过有少少容易变冻。
将饭团炸到香脆，再加上龙虾汤，就好似食紧炒饭咁，但加埋饭焦嘅口感，一啲都唔油腻。可以视乎喜好再决定浸几耐。
另外有少少拆咗肉嘅龙虾、爽口嘅海蜇头、珊瑚蚌，喺炸饭团嘅衬托下好似变成咗配角咁🙈。
龙虾汤配脆米伴海蜇头珊瑚蚌
$218
11 浏览
0 赞好
0 留言
.
☞ 威灵顿白吞拿鱼 $328 (4/5)
好耐之前就已经被佢哋嘅威灵顿吸引，亦系佢哋嘅主打之一。
香脆嘅酥皮包住雪白色嘅吞拿鱼，非常之靓，上菜时厨师已经预先切开一半。
酥皮够香脆，欣赏内里仲有一层薄薄嘅Parma ham，令到酥皮更加咸香。
不过内里嘅白吞拿鱼就同想像中嘅有出入，冇烘焗嘅感觉，取而代之系好似中式蒸鱼咁，有种湿润，胜在几滑溜，鱼味几重。
味道亦系中式蒸鱼味😂有少少香葱，隔离嘅酱汁似甜豉油，为味觉带来冲击。
整体还好，算独特，但冇想像中咁神级🙈。
威灵顿白吞拿鱼
$328
56 浏览
0 赞好
0 留言
.
☞ 白朱古力夏落逸蛋糕 $78 (4.3/5)
唔见好多人食，但真系成餐最出色，连唔食甜品嘅朋友都觉得好好味🤩🤩🤩！
夏落逸蛋糕Charlotte cake一般会用手指饼围住，内里再有一层层蛋糕忌廉，造型非常少女。
呢度嘅夏落逸蛋糕用上蛋糕围住，内裹亦有creamy嘅吉士、莓酱，表面仲有清新嘅生果、抹茶脆脆、同埋牛奶味超重嘅忌廉！
各种味道互相平衡，非常丰富。细细件刚刚好，又靓，推荐💓！
白朱古力夏落逸蛋糕
$78
38 浏览
0 赞好
0 留言
白朱古力夏落逸蛋糕
$78
82 浏览
0 赞好
0 留言
.
☞ 桂花金橘苹果沙冰 $64 (3/5)
一饮觉得劲似细个雀巢𠮶只橙冰😂只橙味有少少假，亦唔系太饮得出桂花苹果，较为一般。
桂花金橘苹果沙冰
$64
27 浏览
0 赞好
0 留言
——————————————————
✨整体味道: 3.8/5
✨环境装修: 4.2/5
✨服务态度: 4/5
✨性价比: 3/5
✨再访兴趣: 3.5/5
.
💞整体来讲
食物质素以呢个价钱来讲CP值较低🙈但真系充满创意又靓，影相一流。而且成间餐厅嘅主题非常创新，唔算好好味但体验独特，都值得一试，建议多啲人一齐食share会好啲。如果唔想消费嘅就咁睇吓出面嘅鬼怪展览都好，的确系几特别。
张贴
