Catio (已結業)

今日同同事放工後一齊黎到喺銅鑼灣新開嘅貓cafe。對Catio嘅第一印象係餐廳對衛生非常重視。Cafe入口當眼處放左消毒搓手液。進入餐廳前亦要穿上一次性鞋套。雖然係一間貓cafe，但入到去地上唔係點見到貓毛，打掃方面做得好仔細。餐廳開業無耐，所以人手唔太多，但餐單選擇上，數量可以接受。是日叫左免治豬肉意粉同桂花烏龍茶。落單後約十分食物就送上。意粉質感上唔會煮過龍，意粉醬汁比西式餐廳偏甜，貼近香港人口味。作為貓cafe，貓嘅數量同食物同樣重要 😂Cafe養有13隻貓。食客消毒雙手後可以觸摸貓隻。餐廳亦有提供貓玩具畀客人同貓貓互動。Cafe貓隻性格各異，不過都有部份貓隻比較親人，有啲甚至會跳上客人大腿上要人摸。是次係我第一次光顧貓cafe。對愛貓者而言應該係唔錯嘅消閑去處。