名館 (已結業)

有時想食中菜，但係又唔想去酒樓，因為酒樓每一碟都大碟，兩個人會食唔晒，所以都唔知有啲咩選擇，咁岩今次經過希慎，有一間中菜餐廳，每碟份量唔算太多，一於試吓。花膠姬松茸燉烏雞有圖有真相，望吓個燉湯，非常非常之足料，個湯燉都非常之濃，花膠烏雞嘅精華都入晒湯裏面，一飲，超正，一定一定一定要點呢個燉湯生煎肉未蓮藕餠平時好少餐廳有蓮藕餅食，並非因為名貴，而係做一個蓮藕餠，所花既功夫非常多，師傅既功夫同心機都值得一讚，呢個肉餠外面煎到好香脆，好香口，而入面就非常滑，仲有蓮藕𢇁，所以滑得黎帶少少爽囗，好耐冇食蓮藕餠，好正蜜汁叉燒呢個叉燒燒得非常之香，而且蜜汁味好正，叉燒係半肥瘦，所以非常之軟滑，而且好有口感，算係上盛嘅叉燒蜂蜜柚子蝦球呢個蝦球個賣相非常吸引，一睇就知師傅花咗啲心機擺盤，一食落，柚子味好清香，而且個蝦炸到好香脆，而且個炸皮好薄，好爽口，帶少少甜味，非常之特別，亦都非常之清新海南金桔蜜柚茶金桔蜜柚茶唔會好甜，淡淡既柚子香味，加上新鮮青檸，非常清新滋潤，因為唔係好甜，飲多一杯都仲得今次去呢一間名館，真係非常之驚喜，每碟都咁好食，而且上菜快，地點方便，服務唔錯，整體感覺非常好！