Storerooms No.3 (已結業)

係Instagram 見到呢一間 cafe小店，啲cake 好靚好精， 所以就上去試下。 一上到去， 有股寧静舒泰的感覺，被柔和燈光和音樂吸引住 ，同下面旺角大街嘅嘈吵成一對比。 我叫左個蛋白霜檸檬撻同埋一 杯岩鹽咖啡， 檸檬撻酸度適中 ，餅底好脆，仲有啲薰衣草放上面，岩鹽咖啡有拉花， 淡淡嘅鹽味加添咗咖啡嘅香味， 比起一般大品牌咖啡店好味好多， 食完飲完有種齒頰留香嘅感覺，令到我好想再試多次， 行過旺角不妨上去坐下， 安靜下自己， 睇下書， 係一個好好嘅慢活享受。