喜膳燒

营业中

休息中

夜晚放左工之後約左朋友去食飯，我地今次就揀左間係尖沙咀既串燒店，感覺幾特別，串燒店細細間，今晚幾乎滿座，好好生意。佢既廚房係開放式既，可以見到師傳喺入面整野食。串燒既選擇好多，喺尖沙咀呢個旺區黎講價錢唔算貴。我地一次過點哂啲野食之後，串燒就會分批咁上，串燒會放喺燒熱左既石板上面，保持佢既溫度。頭一round有流心鵪鶉蛋、雞臀同埋五花肉。每一串都燒到好香啊，而且今次係我第一次食流心既鵪鶉蛋，好好味啊！仲有呢個粉絲扇貝。原隻燒雞翼外皮脆而肉嫩。牛油燒金菇亦都冇得輸。