五十年代餐廳 (已結業)

今日好早就收咗工，喺合和嗰頭做完運動之後諗住係灣仔度飲杯酒食個飯，行吓行吓去到QRE Plaza, 呢幢大廈有勁多餐廳，見到呢間餐廳個名幾特別，好似幾有懷舊氣氛，所以一於試吓。去到嘅時候由於時間都算早，所以唔使等位。我同朋友一人叫咗一杯嘢飲，因為係快樂時光時段，所以有買一送一👍🏻👍🏻👍🏻咁當然唔少得叫主菜嚟食啦，由於唔係好肚餓所以我哋兩個人只係叫咗兩碟。呢碟係牛扒，五成熟，燒得勁靚勁好味。呢碟帶子意粉就一般啦，意粉又唔夠淋，係味道都幾好。最後比大家睇呢度嘅環境，感覺好輕鬆。