仲要開正係西營盤好多酒吧嘅附近
餐廳係主打韓式炸雞，有好多種唔同嘅味道，而且亦都有得揀全雞或者無骨雞，仲可以淨係要雞翼或者雞髀，啱晒腌尖嘅朋友
醬料方面有辣有唔辣，選擇困難嘅仲可以揀一半一半添
我就嗌左佢嘅招牌去骨雞同半隻有骨嘅醬油雞
嚟到嘅時候發現份量真係勁大
除咗炸雞之外，竟然仲有炸餃子同埋炸年糕添
我個人就最鍾意食醬油口味，覺得佢甜甜地同炸雞好夾
之後我哋仲叫呢個石鍋牛肉飯，配菜嘅份量極多，加埋個韓式辣醬好夾又唔會太辣
朋友仲多咗個韓式芝士蛋捲，估唔到個份量又係超大
每啖都有芝士好鬼好食
估唔到我哋兩個人食三樣野都食唔哂，呢間嘅性價比真係好高，而且位置非常好真係好適合一班朋友去呢度飲酒食嘢
