銀杏館 (已結業)

去文武廟還完太歲，就行去歌賦街銀杏館食晏。呢間銀杏館以越南菜做主打，午餐有素食亦有肉食，各式其式。我就揀咗越式春卷碎米飯配香矛茶($68+10%)，再要有機生菜($28+10%) 。春卷和碎米飯味道都可以啦，生菜正常味，香矛茶就無乜香矛味，似普通熱茶一杯囉。不過份量唔算多，肚餓時或男士可能唔夠飽。店內地下坐位得14個，樓上都係差唔多。 客人唔多，可能去哂排隊啦。雖然食物不是特别岀色，食個簡單午餐，傾下食下，支持社企，總好過去附近排哂隊食啲名大於實嘅嘢！$200以上至可碌卡架。