門面有餐牌可以睇啱先入去，入到去係正常餐廳格局，當日客人唔算多所以環境都幾靜下，座位都舒適。
香辣薯條
($42)薯條新鮮炸起，調味足夠但又唔會太辣， 醬汁就主要點茄汁，始終覺得薯條配茄汁先至襯。 呢個頭盤惹味得嚟又唔太貴，引起食慾一流。
經典之堡
($108)嚟到 Moo Moo + 又點可以唔食佢個漢堡， 以餐廳規格嚟講佢 CP 值算非常高。 漢堡嘅靈魂就係塊肉，而佢正正最出色就係塊肉，肉味非常濃郁，加上少少炭燒嘅餘味，味道真係一流。 [必定要食
]
肉丸意大利麵 ($148)
肉丸出色，食得出香濃肉味絕對冇偷工減料。 個麵就正常，普通紅汁意粉。揀返漢堡可能會開心啲。
(呢個唔記得影相)
Moo Moo Shake (朱古力味)
呢杯 milkshake 正正常常，但朱古力味唔夠，有少少美中不足。
第一次嚟 Moo Moo + 比我預算中有驚喜，以佢嘅價錢嚟講都好高 CP 值，如果有機會我都會再嚟食個漢堡。
