🐟生酮忌廉金目鱸魚🥕 ($168)
- 兩件爐魚一啲都唔細， 而且煎得金黃脆邊， 特別香口， 鱸魚肉質嫩滑，一啲雪味都冇， 個底配咗紅蘿蔔忌廉汁，亦都有啲蔬菜托底， 啱曬keep fit嘅朋友仔，係高蛋白質之選。
🦀明太子軟殼蟹意大利粉🍝（$158）
- 軟殼蟹唔算好大件，但係炸得通透而且脆口，蟹肉唔會覺得柴，意粉配咗菇同洋蔥一齊煮，仲可以同明太子撈埋一齊， 充滿口感同埋一啲都唔油膩，意粉份量都唔少㗎～
🥣是日餐湯+$15
- 係南瓜忌廉湯，好creamy，仲有少少蔥粒調味，nice!
🍇巨峰提子檸檬梳打🍹
- 巨峰提子好香，但係唔會覺得好甜，不錯！
任何飲品半價（沙冰除外）
任何件裝蛋糕半價
🍑日本白桃伯爵茶蛋糕（原價$78）（無麩質）
- 日本白桃係新口味，上面最頂層係有白桃肉嘅啫喱，之後夾咗層淡忌廉同兩層粉紅色既海綿蛋糕，海綿蛋糕中間就係伯爵茶忌廉，伯爵茶有淡淡嘅茶香，仲夾雜咗一啲白桃肉，令你有唔同嘅口感， 整體來講清清地少少甜，好少女㗎！
🥭班蘭芒果紫米蛋糕（原價$68）（含麩質）
- 呢個都好特別，係用咗班蘭味嘅海綿蛋糕同埋忌廉， 仲有椰絲芒果啫喱做裝飾，中間仲有層芒果肉同埋紫糯米，好少見蛋糕用上紫糯米， 紫糯米味道都幾出，口感軟糯，而且同班蘭味好夾，即刻令小編諗起泰國呀！
