黃埔港食家 (已結業)

難得見到附近有新茶餐廳就同朋友去試吓。環境係乾乾淨淨。而家天氣涼番，開哂窗都有d風，感覺幾舒服。講到食物，隻雞係亮點！鹽雞好夠味，唔會過咸，＄38碟飯平靚正，CP值高。同廚房師傅傾咗陣計，發現原來佢嘅鹽雞係用新鮮走地雞整，怪唔之有雞味，又唔霉！牛腩飯正正常常，碟飯夠哂大碟又多汁，牛筋腩唔韌, 菜心都幾新鮮。凍檸茶正常，一杯有5片檸檬，茶底可以但唔係特別濃。留意凍飲加$6熱飲加$3。街坊住附近或去開泳池游水，不妨試吓。