CHEF STAGE de Eddy Chu

朋友升职请食饭，一早订咗呢间由Chef Eddy主理的西餐。门口放了很多国际厨艺比赛的奖项，相信食物质素一定唔错。餐厅起19楼，仲有大玻璃个view靓到呢！我哋拣咗5 Course Set Dinner乳酪鲜虾芒果沙律大虾够新鲜好弹牙！清酒蟹肉日本年糕清酒忌廉白汁煮得刚刚好，酱汁口感幼滑，微甜，配埋葱花年糕，好食！黑松露磨菇汤黑松露香浓，啖啖磨茹，钟意磨菇大小刚好，有口感！美国牛肉眼出色，肉眼油花丰富，口感软腍。拣了7成熟，烧得刚好，全块熟成程度掌握得非常之好。亦要赞下啲配菜，总觉得出色嘅西餐配菜都会比较用心，有别于普通嘅薯蓉，今次竟然食到芋头蓉，层次更加丰富。鲜鲈鱼柳配日本带子摆盆好靓，竟有羽衣甘蓝配菜！鲈鱼一d都唔腥，味道清甜，质感软滑，煎得刚好！日本带子都煮得出色，不会过度受热和太焦，入面多汁软嫩，正！欣赏餐厅上菜的碟系经过高温处理，更能控制上菜温度，亦感觉更卫生！呢间餐厅价钱虽然唔平，但以咁高质咁有heart既菜式嚟讲，五道菜人均消费五百多，我又觉得几值！下次一定会再嚟试下其他菜式。