更多
2020-05-24
4019 浏览
今日难得出尖沙咀,同朋友拣左人流较少的餐厅,好好奖励自己,同朋友聚一聚,因为烧肉可慢慢烧,同朋友倾耐一点都可以,而且呢度环境够寛阔,抽气做得好,烧完肉个身都无味,服务亦细心有礼。估唔到lunch都可以豪华地烧牛肉,原本谂住点熟食套餐,但见到可以自己烧肉,所以直接落单,有2款拣,我地喜欢食牛,所以拣Set A, 而另一款有牛鸡猪就Set B。除左二人套餐,仲有8款午市套餐,都有齐牛、猪、鸡……以供选择,仲有前菜泡菜、汤同饭,都好丰富,价钱$85-125。我地点左烧肉,所以点埋饮品,降降温之余,仲可清爽油腻感。牛魔古法渍泡菜及前菜,全部都好爽脆,大豆芽有麻油香,青瓜微辣开胃,海草味道也可以。牛魔杂菜沙律份量几多,虽然都系生菜、青瓜、粟米,但配个沙律酱好好味,沙律也可以消腻。最正系个自家制特选餐汤,系浓而不腻的牛骨汤,仲有清甜无筋白萝卜片,超级好饮。烧肉套餐有美国Prime牛肋骨、黑椒盐花牛肋肉、和牛牛五花。我地先烧牛五花同黑椒牛肋肉,各有5片,厚薄大小适中,火力刚好,所以好易烧,而且烧时已吸走油烟,好赞。黑椒盐花牛肋肉,牛肉味道浓郁,较有口感,肉质较弹好好咬,经黑椒同盐调味,就咁食已经好正
今日难得出尖沙咀,同朋友拣左人流较少的餐厅,好好奖励自己,同朋友聚一聚,因为烧肉可慢慢烧,同朋友倾耐一点都可以,而且呢度环境够寛阔,抽气做得好,烧完肉个身都无味,服务亦细心有礼。
估唔到lunch都可以豪华地烧牛肉,原本谂住点熟食套餐,但见到可以自己烧肉,所以直接落单,有2款拣,我地喜欢食牛,所以拣Set A, 而另一款有牛鸡猪就Set B。
除左二人套餐,仲有8款午市套餐,都有齐牛、猪、鸡……以供选择,仲有前菜泡菜、汤同饭,都好丰富,价钱$85-125。
我地点左烧肉,所以点埋饮品,降降温之余,仲可清爽油腻感。
牛魔古法渍泡菜及前菜,全部都好爽脆,大豆芽有麻油香,青瓜微辣开胃,海草味道也可以。牛魔杂菜沙律份量几多,虽然都系生菜、青瓜、粟米,但配个沙律酱好好味,沙律也可以消腻。最正系个自家制特选餐汤,系浓而不腻的牛骨汤,仲有清甜无筋白萝卜片,超级好饮。
烧肉套餐有美国Prime牛肋骨、黑椒盐花牛肋肉、和牛牛五花。
我地先烧牛五花同黑椒牛肋肉,各有5片,厚薄大小适中,火力刚好,所以好易烧,而且烧时已吸走油烟,好赞。
黑椒盐花牛肋肉,牛肉味道浓郁,较有口感,肉质较弹好好咬,经黑椒同盐调味,就咁食已经好正。
和牛牛五花,肉质超嫩腍,油脂丰富,满口牛油香,配饭一流。也可以配芥末同食,减腻感又有微微刺激,好好味。
美国Prime牛肋骨,好大卷,要摊开黎烧,之后剪细块烧香。
烧得好靓,油光好吸引,呢款口感系牛五花同牛肋肉之间,Prime级果然好味d,有牛五花的油香,也有牛肋肉的爽弹咬口,味道同口感都更丰富同有层次。
烧肉不可少的梳打特饮,我地的巨峰梳打特饮和凤梨梳打特饮都够哂大杯,有椰果粒增加咬口,梳打好有气,饮落够冰够清爽。
张贴