湯火功夫麻辣燙 (已結業)

同事推介嘅湯火功夫麻辣燙，感覺就似重慶版嘅車仔麵，入座後火速奉上點餐紙，可以自選或跟套餐。一共有四款湯底，配料選擇多，份量可以自己話事。而且辣度同麻度係分開選擇，唔食得辣嘅朋友可以走辣泰式冬蔭功湯底麻辣燙配蓮藕片、通菜、秘製豬腩肉米線冬蔭功湯底非常出色，濃郁椰香帶少少微辣，不太吃微辣嘅我完全冇難度。推介的秘製腩肉肥瘦均勻，鹵得入味，豬皮富彈性，唔錯。蕃茄湯底同樣出色，每樣餸份量都好平均牛根口感軟滑👍👍👍呢間麻辣燙水準唔錯，價錢亦相宜，又近地鐵站好方便，又多一個選擇了。