影片
更多
2023-09-02
2062 浏览
今次介紹一間旺角新開嘅高質雞煲火鍋店，佢哋有六步曲，一次過滿足你嘅味蕾🤤Step 1 前菜有涼拌皮蛋、鳳爪、同炸魷魚鬚～估唔到前菜都幾高質！皮蛋香滑夠味，鳳爪酸辣幾爽，最正係魷魚鬚幾厚身，好彈牙！Step 2 火焰雞煲雞煲係原煲即炒嘅，枱上面會有個計時號，每2分鐘就炒下，可以自己炒，店員亦都會幫手。8分鐘後就叫店員加酒烹調，嚟個火焰🔥雞煲，正呀！雞肉即炒嘅關係好嫩滑，調味又唔會過鹹，仲有啲焦香味！叫咗少辣，麻度好足，食到嘴唇都麻晒😂 Step 3 老火養生靚湯食完雞煲可以飲啖湯，原個燉盅上，份量都算多。呢日係豬骨雞腳湯，雞湯幾甜幾入味！Step 4 時令海！鮮拼盤第四步係好期待嘅海鮮拼盤😍 可以揀蒸海鮮，或者海鮮配料打邊爐～ 海鮮係每日魚市場直送，有扇貝、鮑魚、大蜆、鮮蝦、魷魚、蟶子，好豐富！全部都好新鮮彈牙爽口！扇貝好大粒、鮑魚好厚肉～ 仲有蒸粟米好鮮甜，烏冬撈咗少少汁幾惹味～ 海鮮加咗辣椒去蒸，唔食得辣記住叫走辣椒啦～Step 5 火鍋放題入座時揀咗鍋底先，我哋揀咗蝦滑烚烚蜆煲，超正！有蝦滑、大量蜆、娃娃菜、蘿蔔，湯底加咗胡椒，鮮甜得嚟有少少胡椒辣味！蝦滑好彈牙、蜆又好新鮮，好好食
今次介紹一間旺角新開嘅高質雞煲火鍋店，佢哋有六步曲，一次過滿足你嘅味蕾🤤
Step 1 前菜有涼拌皮蛋、鳳爪、同炸魷魚鬚～
估唔到前菜都幾高質！皮蛋香滑夠味，鳳爪酸辣幾爽，最正係魷魚鬚幾厚身，好彈牙！
Step 2 火焰雞煲雞煲係原煲即炒嘅，枱上面會有個計時號，每2分鐘就炒下，可以自己炒，店員亦都會幫手。8分鐘後就叫店員加酒烹調，嚟個火焰🔥雞煲，正呀！雞肉即炒嘅關係好嫩滑，調味又唔會過鹹，仲有啲焦香味！叫咗少辣，麻度好足，食到嘴唇都麻晒😂
Step 3 老火養生靚湯食完雞煲可以飲啖湯，原個燉盅上，份量都算多。呢日係豬骨雞腳湯，雞湯幾甜幾入味！
Step 4 時令海！鮮拼盤第四步係好期待嘅海鮮拼盤😍 可以揀蒸海鮮，或者海鮮配料打邊爐～ 海鮮係每日魚市場直送，有扇貝、鮑魚、大蜆、鮮蝦、魷魚、蟶子，好豐富！全部都好新鮮彈牙爽口！扇貝好大粒、鮑魚好厚肉～ 仲有蒸粟米好鮮甜，烏冬撈咗少少汁幾惹味～ 海鮮加咗辣椒去蒸，唔食得辣記住叫走辣椒啦～
Step 5 火鍋放題入座時揀咗鍋底先，我哋揀咗蝦滑烚烚蜆煲，超正！有蝦滑、大量蜆、娃娃菜、蘿蔔，湯底加咗胡椒，鮮甜得嚟有少少胡椒辣味！蝦滑好彈牙、蜆又好新鮮，好好食！
食到咁上下就正式打邊爐啦😂 店員送上一盤好靚嘅牛肉，有得任食美國Prime靚牛，勁正！碌幾秘就食得，可以點埋佢地秘製嘅醬汁，更加好食！
火鍋配料選擇唔算太多，但每樣都係精選嘅感覺，佢哋嘅丸類好好食，食得出係高質丸，必食墨魚丸、花枝丸同胡椒豬肚丸！仲有好多新鮮嘅菜類，去台灣打邊爐必食嘅水蓮都有，西洋菜、皇帝菜等等～～ 
飲品選擇有好多茶類，五花茶、雞骨草、烏龍茶、紅棗薑茶等，總有一款啱飲！都有好多汽水類選擇！
Step 6 糖水
呢個時候已經好飽🤣 本身諗住叫一碗糖水share，但食咗一啖覺得好好味，所以都係叫多一碗😂😂 燉桃膠杞子勁養顏，唔會過甜，好好味！
食完呢一餐，勁滿足😆 樣樣都高質好味！星期一至四$328/人，新店開張仲有88折，幾抵，推介去試試～
张贴
