和吧 (已結業)

Badboy同朋友食完飯想搵個地方坐吓傾吓偈，所以揀咗呢間酒吧小店。環境唔會太嘈，氣氛幾適合三五知己、朋友小聚。-🍸水無月·荔$78呢杯cocktail隻杯好得意，有日本達摩圖案喺上面，同舖頭嘅裝飾幾match。味道幾似飲緊荔枝梳打，酒精味唔會重，易入口同埋好fresh。-🌸春之櫻溝得幾靚，櫻花做主題，有櫻花嘅香味，會飲到接骨木嘅味道。呢杯cocktail係甜甜地嘅，非常易入口。不過好似暫時未on menu😉想試嘅朋友仔不妨問一問店員有無得order💁🏼‍♂️-🐟炸池魚仔$48第一次食呢種炸魚仔，意外地幾好食。唔會食到骨，脆脆地咸咸地，送酒真係唔錯👍🏻-🐥日本炸地雞件$68皮薄，肉質幾腍，同普通炸雞件唔同嘅係佢有陣香味。-店員幾nice，會介紹番佢哋啲cocktails有啲咩。