影片
更多
2018-07-05
296 浏览
最近佐敦嘅老牌酒店逸東酒店嚟個大翻新，唔單止係酒店裝潢唔同，仲新開咗個Food Hall。成間酒店連Food Hall都係採用Loft design，感覺好時尚，仲有間房係俾DJ打碟，不過當晚就未見有DJ註場。坐喺Food Hall再望落下一層，見人地食緊自助餐，又係另一番滋味。視察一圈發現最多人排隊就係Fûhn呢間越南河粉，一於試試。【柚子鮮蝦沙律$75】天時暑熱，先叫個清涼沙律開開胃。份量勁多，鮮蝦肉味道爽甜，細心睇原來已經挑走埋啲蝦腸。柚子肉亦都好新鮮，而沙律菜入面有金不換，又香又爽。落埋個微酸嘅沙律汁就更開胃。【特色牛湯粉(Regular)$98】、【生牛肉、牛筋片拼牛腩邊湯粉(Regular)$88】叫咗Regular都係好大碗。特色牛湯粉材料有生牛肉、牛坑腩片、牛筋片、手打牛丸、牛腩邊、牛柏葉，每樣試過晒都係好高質。生牛肉嫩滑牛味濃；手打牛丸超級彈牙；牛坑腩軟腍兼juicy，牛筋片富口感。材料質素相當不錯。牛肉湯亦都幾清甜，大大碗高質牛肉河都俾我地食到一滴不剩，大滿足。【越式滴漏咖啡(熱)$32】咖啡味濃但實在係甜過頭，要加熱水溝返淡少少先啱飲。【蕃茄沙冰$35】平時間唔中
成間酒店連Food Hall都係採用Loft design，感覺好時尚，仲有間房係俾DJ打碟，不過當晚就未見有DJ註場。
坐喺Food Hall再望落下一層，見人地食緊自助餐，又係另一番滋味。
視察一圈發現最多人排隊就係Fûhn呢間越南河粉，一於試試。
【柚子鮮蝦沙律$75】天時暑熱，先叫個清涼沙律開開胃。份量勁多，鮮蝦肉味道爽甜，細心睇原來已經挑走埋啲蝦腸。柚子肉亦都好新鮮，而沙律菜入面有金不換，又香又爽。落埋個微酸嘅沙律汁就更開胃。
【特色牛湯粉(Regular)$98】、【生牛肉、牛筋片拼牛腩邊湯粉(Regular)$88】叫咗Regular都係好大碗。特色牛湯粉材料有生牛肉、牛坑腩片、牛筋片、手打牛丸、牛腩邊、牛柏葉，每樣試過晒都係好高質。生牛肉嫩滑牛味濃；手打牛丸超級彈牙；牛坑腩軟腍兼juicy，牛筋片富口感。材料質素相當不錯。牛肉湯亦都幾清甜，大大碗高質牛肉河都俾我地食到一滴不剩，大滿足。
【越式滴漏咖啡(熱)$32】咖啡味濃但實在係甜過頭，要加熱水溝返淡少少先啱飲。
【蕃茄沙冰$35】平時間唔中飲蕃茄汁嘅我，見到餐牌有蕃茄沙冰即刻眼前一亮。一般沙冰都係水果味，蔬菜沙冰我就冇見過，一於叫杯試吓。大大杯顏色比西瓜汁再pink少少，賣相唔錯。飲落係清甜蕃茄味冇酸味，飲得出係新鮮蕃茄整嘅。見我飲得咁滋味，連唔鍾意飲蕃茄汁嘅朋友都忍唔住試咗啖，仲要大讚。必試之選！
张贴
