El Portal (已結業)

樓上舖，用四方檯組合為長檯和bar 檯，也有projector，又可以order 酒，用來包場開party也可以。烤八爪魚配法瓦豆來 $168 八爪魚🐙嘅肉質，一向都給人一種好實，好煙韌嘅感覺，但這是煮得出奇地好𣺉身，一啲都唔韌，同長輩來，都可以吃，並覺得好好味，仲話夠晒𣺉添。豆泥，口感比薯仔蓉更加滑，煮得好有肉味。西班牙海鮮飯，$218貝殼好新鮮，蜆殼和青口殼入邊仍然鎖住水份。蜆肉好新鮮，肉質鮮甜，仍保留一點海水味、好鮮甜、好味道，好正。魷魚肉質也10分爽脆，食到係新鮮的味道，火候煮得啱啱好，一啲都唔靭。海鮮飯味道超濃郁，鐵盤上保存溫度啊熱騰騰，超正正。看似很大盤，但只是薄薄的鋪上，兩個人也食得晒。西班牙油條配花生、果仁糖，巧克力 $68吉士棒剛剛煮好，熱辣辣，外層鋪上砂糖，外脆內軟，沾上杯內的巧克力、花生粒與果仁糖，好味道到要多叫一個甜點。蘋果撻配希臘芝士乳酪，$68上碟真是靚到氹一聲，還有食用花點綴，能媲美高級酒店甜點。 喜愛抹茶蛋糕少許抹茶苦澀味，配埋上面嘅蘋果配埋醬汁，加埋乳酪 ，一甜一澀，層次豐富。雖然歺牌上不是很多選擇，但每一碟都看得出是用心及有水準的食物。值得推介！