小茶屋 (已結業)

旺角西洋菜南街女人街嗰頭3月開咗間新嘅茶飲店，高質嘢一定要同大家分享！😋 玫瑰荔枝煎茶加蘆薈 $36呢杯夏天飲真係perfect！玫瑰味非常之重，甚至有少少搶咁個荔枝嘅味，但兩者幾有層次，總體嚟講係會先飲到濃濃嘅玫瑰味，慢慢陣荔枝味就會出😆😋 鮮奶黑糖珍珠抹茶 $38呢個嘅抹茶超濃，飲落起碼唔係淨係得甜味，味道主要嚟自個抹茶😚 但珍珠方面就比較失色，珍珠無乜味，本身expect會有多啲黑糖味，而且唔係好彈牙。