走肉‧朋友 (已結業)

呢幾日都見到好多ig推呢間素食黃店，搞到心思思又想去試，咁岩男朋友又真係係我冇提過既情況底下suggest呢間，咁就真係行左去食。原來佢本身係自助餐，但疫情下改左做揀餸。但細食如我都冇咩所謂，同埋佢五餸其實份量都幾多，湯、飯同糖水都係任食（雖然我內心係想每樣試少少，食多啲款）值得推介既係糖醋排骨。個汁真係好正，佢其實係糖醋油炸鬼，覺得幾新奇，值得一試。但食多兩舊就開咗覺得有啲膩。個涼面辣辣地幾過癮,好開胃，可以食更多了。雖然係素食，但好似好多野都係炸，所以就嗌番碟菜balance番，都係正常炒菜既味😂😂值得一提既係個糖水真係幾出色，食到好飽都忍唔住食多碗，係有大細粒既西米同煲到好林既芋頭（唔知有冇認錯😛）,但佢好似日日唔同，黎之前以為有得食蕃薯糖水🥺