看見餐牌, 係FUSION菜色, 大多係名貴食材, 好多選擇, 先來一杯餐前酒, 係西班牙的SANGRIA 甜白酒，以往只喝過紅酒配以碎生果粒的Sangria , 冇諗過响呢度飲到一杯咁清甜的white sangria, 而且仲配了一支新鮮生果串， 賣相好特別, 而且好甜好易入口。
1
前菜有迷你海鮮拼盤, 陣容好鼎盛, 我最愛的生蠔、好鮮甜, 好黏口, 有海水味。另外還有日本帶子刺身放在Shooter杯浸住蜜糖麵豉汁, 非常創新的配搭, 好別出心裁, 原來點多啲汁會更帶出帶子的鮮甜味道。
還有已醃製好醬汁的鮑魚, 好爽口, 原來鮑魚凍食也會咁鮮甜, 還有鮮蝦同蟶子刺身, 也好脆口清甜, 其實這盤併盤一啲都唔迷你, 一次過滿足了好多願望。
之後上了48個月黑毛豬，waiter介紹黑毛豬係食橡果大, 而且食法有次序, 可先食菠蘿同羅勒葉, 令口腔充滿甜味, 再食一片晶瑩通透的薄薄黑毛豬 , 帶出陣陣的肉香味, 沒有一般的脂肪層油味及豬的羶味, 果然係餐廳主打,也看見雪櫃有一大隻黑毛豬腿作招來。
1
到了湯喇, 又係創新菜色, Crab Bisque Accompanied By Oyster Shooter 蟹肉濃湯配鮮蠔杯, 好期待, 而且有疑問究竟食邊樣先之制, waiter已為我講解, 原來係先將蟹肉濃湯先飲一半, 之後將shooter的生蠔豪邁地飲下, 再將餘下有好多蟹肉的濃湯飲完, 真係好特別, 口感好豐富, 好有層次感, 而且冷暖的感覺好新穎, 一味非常出色的菜色,
肉類方面有燒牛脷配日本蜜糖芥辣, 見到菜色好猶豫, 係咩菜色, 咁大條, 原來係牛脷, 過往牛脷多是一片片而上的, 今次係我第一次見一大條, 好壯冠, 而且外脆內腍, 好香口,
看餐牌只寫上香港豬扒包, 冇諗過裡面不是普通的豬扒, 原來係呢度主打的西班牙燒黑毛豬肋條, 而且份量十足, 好大個, 好抵食, 令我們領悟到主廚Eddy對食材的執著,而且以大排檔的價錢, 名副其實。
另外係主菜香燒澳洲羊鞍$368，叫了七成熟, 剛剛好, 而且好大塊, 有三支羊鞍, 肉質好多汁, 有少少羊肉香味, 而且唔羶, 好味, 旁邊也有三粒點聚的配菜, 原來係中東食材, 係粟米粉, 好有創意的配搭,
甜品方面見到有時令的貓山王榴槤糯米糍, 原來係由外地入口的, 給客人多個選擇。
食完整頓晚餐, 非常滿足, 真的感受到主廚EDDY為每度菜的心思及嚴選高級食材的執著, 而且為香港人調較最恰當的口味, 非常有熱誠的餐廳, 而且環境浪漫優靜, 難怪客似雲來, 要早兩三個星期前BOOK枱, 一定會再來的餐廳。
