燒肉臻 (已結業)

返工咁辛苦，當然要食餐好啦☺️所以就約埋朋友一齊嚟呢度～位於尖沙咀高質素嘅燒肉，一入店就見到一大部清酒機，$248價錢已經可以任飲十幾款清酒🍶入座後店員就上前介紹食物，款款都好吸引！牛肉盛盒（二人份量）有牛舌、美國封門柳、美國冀板、美國牛小排、美國prime肥牛、日本和牛背峰和日本和牛三角峰小排。牛肉好高質素，樣樣都好新鮮，口感不同，油脂分佈平均，有入口即溶嘅感覺！日本和牛牛頸脊牛頸脊色澤粉嫩，肉質嫩滑油脂豐富！炭火雞呢個都係第一次食，師傅燒至微焦好香口，建議加埋Wasabi一齊食，雞肉味道更加提升！伊比利亞梅頭一塊大約有四至五件，豬肉燒熟後外皮焦香，內𥚃充滿肉汁，帶點香脆！七味燒魚干魚干有手掌般大，都係第一次見的，師傅很有耐性地慢慢燒，燒到好香口，配啤酒一流👍日本雞心/豬大腸雞心同豬大腸都好爽口，正！日本蒜蓉大虎蝦每一啖都充滿蒜蓉香味，淡淡的蝦肉新鮮爽口。