2025年 祝大家食得開心 食得飽飽🥂
新一年就意味住我又大一歲
所以成班朋友約埋食好西！
嚟咗好耐都無去過嘅荃灣愉景新城
估唔到多咗咁多嘢食！
我同朋友就去咗呢張泰國嘢x雞煲x打邊爐嘅
泰·初夏 （超級推薦一大班人去食去慶生）
有3個套餐可以揀👇🏻
我哋就要咗雞煲加牛板腱放題 ($278)
雞煲會按照人頭比 呢個雞煲同平時唔同
因為佢用嘅調味料係泰國特色
辣得來係超級惹味 而且雞件啖啖肉
好快就比我地清哂😋😋😋
而打邊爐嘅煲同雞煲都係分開
由於我哋多人嘅關係 可以由六個湯底中揀四個嚟試
個人私心推介 椰汁雞湯底 濃濃椰汁味
配搭任何材料都可以 澳洲牛好正~
而我朋友就極力推薦大家必點 豬頸肉
熱辣辣 兼且軟滑爽彈 好好味👍🏻
仲有好多泰式小食 沙嗲串 酸辣鳳爪 應有盡有
不過最意想不到嘅係飲品 因為有盲盒選擇！
朋友叫左三round都無重覆 仲要杯杯都好啱飲
一間任你話事嘅打邊爐放題性價比超級高
你仲唔快啲去試？
143
1
