盛八日式燒肉放題店 (已結業)

估唔到出名食日式燒肉嘅盛八係尖沙咀店出咗晚餐燒肉放題，難得朋友又想試下食咁就一齊去啦。而佢收費係$228/位，包左一客「澳洲黑毛和牛」，而其他（小食、沙律、肉類、海鮮、蔬菜、甜品等等）就可以免費任叫，其實真係唔錯。入到去座位都好寬敞，而且唔會好似一般燒肉店有陣陣油煙味。黑松露蘋果沙律：首先點了一個沙律做前菜，沙律份量適中而沙律菜都新鮮爽脆，重點係面頭放了好多黑松露令前菜顯得更加名貴。澳洲黑毛和牛：和牛雪花分明，而食果陣牛味亦好濃，肉質亦相當嫩滑。日本受賞鹿兒島和牛：呢個係加$30升級嘅「日本受賞鹿兒島和牛」，原來肉質各方面真係唔同啲，特別佢燒出嚟非常甘香，而且和牛雪花佈非常之靚食落去有溶化嘅感覺。今次盛八燒肉放題種類真係好多，當中有好多味道非好唔錯，特別有幾樣真係食完再食：韓風辣醬手羽先：雞肉滑溜，有陣陣韓式辣醬味道，非常惹味！鹽燒牛舌：牛舌非常薄身，質感爽口得黎有油份，好食到要再嚟多一碟。燒汁牛肋骨：牛肋骨先用特製醬汁醃製過，而燒果陣已見到好多油脂，食落好入口酥軟，好香牛味。豆腐雪櫃：甜度剛剛好，食落凡軟滑之餘更有濃郁嘅豆腐味，食完好滿足。