漁吉海鮮丼專門店 (已結業)

係apm買完野，搵下op有咩岩食，就搵到呢間漁吉食海鮮丼，位置唔太遠，行一陣就到。上到去轉左就會見到大大個牌，裝修簡潔明亮，係一間溫馨小店。漁吉特選丼 $188呢個特選海鮮丼基本上咩都有，有三文魚，油甘魚，海膽，左口魚邊，帆立貝等等，因為今次無哂鮑魚，所以轉左鰻魚俾我。基本上款款都好新鮮，鮮甜而且口感十足，當中我最鐘意既就係左口魚邊，佢有少少烤過，烤出d油香味。另外佢地既刺身都幾大塊，唔會切到好碎，可以大大啖咁食好爽。北海帆立海老丼 $168而呢一款丼飯就主力係食帆立貝同蝦。蝦就有3款，包括牡丹蝦，赤蝦同甜蝦，隻隻都好大隻，而且爽口彈牙，鮮甜回甘，絕對好味。另外仲有兩粒有燒過既帆立貝，有少少焦香得黎又保留返刺身既口感，好食。值得一提係佢地既wasabi係好好食，食得出一粒粒唔會好化學既感覺，感覺好新鮮。