影片
更多
2024-08-29
96 浏览
-有時食太多肉覺得有啲肥膩，都會想食素菜消滯。今次呢間新派素食餐廳打破🐷對傳統齋菜舖嘅印象，店內有花牆、蕾絲吊燈，窗邊亦掛上燈飾。餐廳提供多國菜，部分菜式更以假亂真，同真嘅海鮮/肉類非常相似！🍲香菇竹笙菜膽翅湯 $68滋潤養生，湯底帶濃郁菜膽、冬菇鮮味，仲有大大件爽口竹笙，仿翅不論賣相到口感都同真翅近乎一樣🫢推薦！🍛印度風味Masala咖哩配手抓餅 (奶 蜂蜜) $78Masala意指印度香辛調味料，帶薑、小茴香等香氣，相當惹味。手抓餅口感酥脆，配搭Masala非常開胃👍🏻🍣素食三文魚拼盤 $68打卡一流，玩味十足📸除左因為菜式上枱時煙霧彌漫之外，更大原因係以蒟蒻製成嘅素三文魚同真三文魚好似樣！雖然口感比真嘅會實多少少，不過點左日式醬油同Wasabi之後就更加相似。另外，以豆類製作嘅素鮑片爽滑彈牙，同樣非常相似🤩🫚傳統和風薑蓉白冷麵 $88夏日炎炎，最適合食冷麵消暑🥵麵底軟滑爽口，口感有啲似蒟蒻絲。配以冷麵汁、Wasabi、薑蓉、蘿蔔蓉、車厘茄等，味道清爽，有種食左都唔怕肥、無罪惡感嘅感覺😏🥬忌廉蘑菇濃湯佐菠菜苗 (奶) $98特別嘅菜式，少見西湯浸菜。菜苗嫩滑，湯底質感較厚身，除左有
有時食太多肉覺得有啲肥膩，都會想食素菜消滯。今次呢間新派素食餐廳打破🐷對傳統齋菜舖嘅印象，店內有花牆、蕾絲吊燈，窗邊亦掛上燈飾。餐廳提供多國菜，部分菜式更以假亂真，同真嘅海鮮/肉類非常相似！
🍲香菇竹笙菜膽翅湯 $68
滋潤養生，湯底帶濃郁菜膽、冬菇鮮味，仲有大大件爽口竹笙，仿翅不論賣相到口感都同真翅近乎一樣🫢推薦！
🍛印度風味Masala咖哩配手抓餅 (奶 蜂蜜) $78
Masala意指印度香辛調味料，帶薑、小茴香等香氣，相當惹味。手抓餅口感酥脆，配搭Masala非常開胃👍🏻
🍣素食三文魚拼盤 $68
打卡一流，玩味十足📸除左因為菜式上枱時煙霧彌漫之外，更大原因係以蒟蒻製成嘅素三文魚同真三文魚好似樣！雖然口感比真嘅會實多少少，不過點左日式醬油同Wasabi之後就更加相似。另外，以豆類製作嘅素鮑片爽滑彈牙，同樣非常相似🤩
🫚傳統和風薑蓉白冷麵 $88
夏日炎炎，最適合食冷麵消暑🥵麵底軟滑爽口，口感有啲似蒟蒻絲。配以冷麵汁、Wasabi、薑蓉、蘿蔔蓉、車厘茄等，味道清爽，有種食左都唔怕肥、無罪惡感嘅感覺😏
🥬忌廉蘑菇濃湯佐菠菜苗 (奶) $98
特別嘅菜式，少見西湯浸菜。菜苗嫩滑，湯底質感較厚身，除左有磨菇香味之外，亦有菜苗味道，整體比想像中鮮甜。
🍰紐約芝士蛋糕 (奶) $58
芝士蛋糕唔會太甜，口感軟滑而不膩，奶味香濃，加上金箔裝飾，更顯矜貴。鍾意甜啲嘅朋友可以按自己需要加上藍莓醬😋
张贴
