能夠係旺角呢個競爭咁大既區, 屹立咁多年就知呢間餐廳有啲料到, 叫咗4款菜式, 但每款都好特別又有創意, 味道都非常唔錯.
🍽️ 特製茶漬鯛魚 $268
鯛魚本身肉質有彈性又柔軟, 茶漬過後入口時食到淡淡茶香, 味道淡麗, 係一個幾特別組合.
🍽️ 外星蠔 $138
特別加上乾冰, 營造煙霧感, 蠔肉亦帶小許煙燻香, 已且飽滿juicy, 再配上三文魚籽, 天婦羅紫菜增添口感.
🍽️ 油封夢王多士配雞肝醬 $108
深黃色既夢王蛋黃呈半凝固, 食落蛋味香濃口感順滑, 再配上烤脆既多士同幼滑既雞肝醬, 味道厚實濃郁.
🍽️ 金澤蠔釜飯 $268
釜飯面蓋上多隻飽滿鮮甜既金澤蠔, 仲有三文魚子、本菇、乾蔥等, 材料非常豐富, 釜飯亦都煮到入哂味, 米飯粒粒分明, 充滿光澤, 非常好味.
