朝

营业中

休息中

今年終於收爐，平日唔使返工梗係去花墟買行吓，行到攰就入咗太子大南街呢間居酒屋試吓。餐廳以黑夜星月為裝修主題，座位舒適而且有氣氛。先叫左個日本梅酒同玄米茶，再慢慢揀嘢食。薯仔沙律 造型好似一座雪山，薯蓉帶夥粒口感，幼滑入口即融，加左沙津醬、海苔木魚片碎同芝蔴份外惹味。伴以脆筒一齊食，十分開胃。海膽帆立貝海苔包大大隻厚實帆立貝，上面放上鮮甜海膽同脆卜卜嘅魚子，用海苔包住一啖放入口，大滿足。蕃薯南瓜天婦羅蕃薯同南瓜被一層薄薄嘅粉漿脆皮包裹住，外脆內軟。各帶少少自身嘅甜味。配埋柚子盬一齊食，味道更有層次感。牛舌厚切牛舌中間粉嫩，燒得恰到好處。配以鹽巴檸檬或自家芥末醬一樣好食。豚肉菜包卷爽脆生菜包住淋上特製惹味醬汁嘅豚肉，越食越開胃。明太子雞肉棒嫩滑雞肉混入雞軟骨令口感更豐富。配上明太子醬令味道大大昇華。泡菜海鮮鍋呢個絕對係冬天恩物。海鮮鍋材料包括扇貝、生蠔、鮮蝦、蜆、福袋年糕、秋葵、粟米各兩份，仲有菜。所有海鮮都十分鮮味；泡菜湯底辣辣地，好似打個邊爐咁最適合咁凍嘅天氣，食完成個人都暖返晒。居酒屋不但食物選擇多，而且樣樣海鮮都非常新鮮。晚上九點後入座仲有六折！下次宵夜可以再嚟嘆下。