大滾友火鍋

营业中

休息中

天氣凍凍地相約朋友打返個豪華版邊爐。黎左元朗嘅大滾友火鍋。餐廳走宮廷風，無論係裝修定係火鍋定火鍋配料嘅賣相都好有視覺效果！佢哋嘅火鍋湯底毫不馬虎，有多款選擇，每款都足料。火鍋配料亦應有盡有，肉類新鮮又高質。叫左一jar竹蔗茅根配搭火鍋，可以解膩同解渴。飲得出係真材實料，而且唔會太甜。今次叫左個花膠雞湯鍋。用上三黃雞同花膠熬製，湯頭鮮甜無比， 超好飲！呢款湯底可以揀半隻或一隻雞，半隻雞已經好夠2-3個人食。啲雞件本身已經係半生熟，只要放入個湯到淥多3分鐘就食得，保留返雞肉嘅味道同彈性。真正打邊爐之前飲左兩大碗湯配雞件，已經飽左將近一半。火鍋配料方面點左個細嘅牛肉拼盤。拼盤上檯嘅時候仲有煙霧瀰漫效果。呢個拼盤包括多款牛肉部位，有手切本地牛頸脊、安格斯牛肉、牛舌片、牛黃喉、骰子牛肉粒、牛小排。每一款都好高質！肉味濃厚，肉質鮮嫩。 最中意當中嘅牛小排同手切牛頸脊！伊比利亞橡果豬都必點！豬肉嘅肉質嫩口，一啲都唔鞋，而且油脂分佈平均，無食牛肉咁膩。另外第一次食魚唇。原來口感同魚肚有幾分相似，不過多左種爽脆感，幾特別！手打鵝肝墨汁墨魚丸。口感彈牙又有好重墨魚鮮，咬開有鵝肝餡有驚喜。蔬菜拼盤砌到好靚。