📍：太古康山道1-2號康怡廣場北座地下G7-G8號舖
🚗：太古地鐵A2出口 步行1分鐘
📞：+852 2688-9168
💲：~HKD320/head for dinner
Food quality
✔️：蟹肉牛油果船、炸胡蔴雞、Avocado Smoothie
👌🏼：海膽三文魚子竹炭烏冬、慢煮和風醬油八爪魚
總結：
😋呢間改變咗我原來商場餐廳都可以好食嘅印象 日西式fusion菜 太古呢間分店開張冇耐食物質素高 環境走木系洞穴風 絕對係間值得一試嘅餐廳🍴
😋咁多碟最一口驚艷係炸胡蔴雞 嗰組合唔複雜 只係炸雞配胡蔴醬 但真係炸得啱啱好 層炸皮又唔厚 食落juicy爆肉汁 完全冇諗過商場餐廳出到呢個水平嘅炸物 利申係頭幾枱客人😊
😋見佢最難整嘅炸物都水平高 對佢之後嘅食物都有返啲期望 咁係冇令我失望嘅 全部好食冇伏‼️不過有個特點係 佢啲嘢係第一啖食普通 但撈埋之後竟然好食好多 升咗一個層次咁尤其係牛油果船同佢杯🥑smoothie
😋牛油果船係佢嘅招牌 但第一啖食只係覺得咪就係蟹肉放係牛油果上冇咩特別 然而之後配埋伴碟啲雜果仁同藜麥及蟹籽 成個口感好似食爆炸糖咁一直”pop pop” 食食下習慣咗覺得好好食🥳 加埋啲蟹肉清得好乾淨冇食到殼 值得一讚👍🏼
😋Avocado Smoothie又係頭幾啖覺得淡味普通嘢 點知後尾撈哂成杯 配埋上面啲乾果又係一流 牛油果🥑味出又有啲咬感 推薦
😋環境大裝修靚 座位寬闊 絕對係間打卡able嘅一間餐廳 值得一提就員工態度好好 會問你想先後上定一次過上 又會主動加水收碟🙏🏼
🤔️佢另一招牌海膽三文魚子竹炭烏冬係好食嘅 不過就想像中嘅味道 烏冬整到意大利粉質感係勁嘅 喜歡海膽嘅朋友就必叫 海膽份量都多 唯一係三文魚子我覺得落太多
🤔️果然係慢煮 碟醬油八爪魚🐙係最遲上 加埋藍青口同海蜆 海鮮全部新鮮嘅冇咩調味 成碟嘢完全靠蘸日式醬油有返啲味 不過最敗筆就係嗰醬 味道奇怪唔太夾 唔難食但都唔好食 我覺得簡單黃芥茉醬就已經夠😪 可惜嘅一碟 換嗰醬就另一個世界嚟
1
🤔️好大間 不過新開張 而且我入座早 所以唔係好多人 員工仲多過客 所以服務好同食物質素高就合理嘅 離開時餐廳都係得四成入座率 希望佢遲下爆棚都可以keep住 始終餐廳最重要唔係質素或服務 而係穩定🕚
😨唯一可以講係價錢偏貴 不過香港大部分有咁嘅水平嘅餐廳都係呢個價 仲未必有咁嘅質素 仲有咁嘅服務同裝修就完全ojbk 啦👌🏼
