板上 (中海日升中心) (已結業)

觀塘朋友知道本人鐘意咖啡，帶我黎飲咖啡☺️太開心了，估唔到間餐廳甘大間。有野食有野飲，仲有蛋糕🍰，蛋糕好吸引，又平，大大件都是$22元，最吸引我當然是咖啡吧，用的是Arabica 咖啡豆👍在收銀叫完餐後，可以自己搵座位坐，由於時間太早關係，沒有太多人，有好多4人台，6人台，一大班人黎都冇問題。我點了板上一口雪花牛珍珠飯$62，價錢唔算貴，加$8配餃子🥟配Cappuccino$7，估唔到咖啡跟餐甘平。雪花牛肉，雖然未去到入口即溶，但是好淋，好多汁，有牛味，食到停唔到，一口接一口，好香。炸餃子，不過不失，有2隻。配菜有牛油粟米同中華沙律。朋友點了板上蒲燒鰻魚珍珠飯$75，鰻魚好厚，超大塊，抵食👍收銀店員態度好好，好笑容👍真係唔算貴，每人$85，特別杯咖啡☕️飲到甘靚的咖啡，出面賣都要三四十元杯，這裡跟餐只是$7，如果我住呢邊就可以日日飲啦。