影片
更多
2019-02-21
101 浏览
一直都好想食正宗嘅印度菜。今日係誤打誤撞下嘅情況下，就黎咗尖東呢間餐廳食印度菜。一開頭仲以為餐廳主要對象係印度人，但其實入面都不乏有唔少本地人同埋遊客。一開頭望住個menu真係一頭霧水。不過好彩店員之後拎咗個中文menu出嚟，加上老細好熱心咁介紹有咩好食，最後都順利落單。首先嚟到嘅係飲品。左邊果杯係Mango Lassi（芒果乳酪），而右邊係Masala Milk（瑪沙拉香料牛奶）。 芒果乳酪一入口好重芒果味，慢慢再感受到乳酪嘅酸味。店舖故意唔加入冰，等飲品唔會越飲越淡Fried Idly 煎蒸米糕有三款醬，第一款係咖喱，第二款係椰子醬，第三款係蕃茄洋蔥醬。Masala Dosa 瑪沙拉香料煎餅Masala Dosa一上枱真係好有驚喜，一開頭仲以為只係普通卷餅，但原來係一大塊香脆嘅煎餅，足足有成張枱咁長 ，入面再夾住餡料。餡料以薯蓉為主食，再加上唔同嘅豆蓉同埋香料，食落有陣淡淡嘅咖喱味同香料。用煎餅夾住食一流。一打開煎餅就聞到餡料嘅香料味。South Indian Thali 南印度套餐跟住就嚟到今餐嘅重頭戲，亦都係我一直好想試嘅印度套餐。呢款南印度套餐主食有兩款烤餅，三款唔同嘅咖喱，
一開頭仲以為餐廳主要對象係印度人，但其實入面都不乏有唔少本地人同埋遊客。
一開頭望住個menu真係一頭霧水。
不過好彩店員之後拎咗個中文menu出嚟，加上老細好熱心咁介紹有咩好食，最後都順利落單。
首先嚟到嘅係飲品。左邊果杯係Mango Lassi（芒果乳酪），而右邊係Masala Milk（瑪沙拉香料牛奶）。 芒果乳酪一入口好重芒果味，慢慢再感受到乳酪嘅酸味。店舖故意唔加入冰，等飲品唔會越飲越淡
Fried Idly 煎蒸米糕
有三款醬，第一款係咖喱，第二款係椰子醬，第三款係蕃茄洋蔥醬。
Masala Dosa 瑪沙拉香料煎餅
Masala Dosa一上枱真係好有驚喜，一開頭仲以為只係普通卷餅，但原來係一大塊香脆嘅煎餅，足足有成張枱咁長 ，入面再夾住餡料。
餡料以薯蓉為主食，再加上唔同嘅豆蓉同埋香料，食落有陣淡淡嘅咖喱味同香料。用煎餅夾住食一流。
一打開煎餅就聞到餡料嘅香料味。
South Indian Thali 南印度套餐
跟住就嚟到今餐嘅重頭戲，亦都係我一直好想試嘅印度套餐。
呢款南印度套餐主食有兩款烤餅，三款唔同嘅咖喱，兩款雜菜，正中間仲有用印度米煮成嘅飯。另外，仲有一份Plain Yogurt 同埋一份甜品。
兩款烤餅，一款係脆卜卜，而另一款係香軟軟熟，用嚟配搭咖喱一流。
兩款什菜，一款係椰菜絲，而另一款係伴入左豆蓉嘅薯蓉。 薯蓉嘅口感非常獨特，而且伴入左唔同嘅香料，非常惹味。
印度米有別於平時食開嘅米，煮出嚟嘅飯係粒粒分明，用作配搭咖喱食口感獨特。
张贴
