十和田 (已結業)

依一晚同老公二人世界，佢好想食吞拿魚所以就黎左十和田。餐廳環境好闊落，唔會有擠迫感覺，可以舒舒服同嘆壽司。餐廳係用平板自助點餐，十分方便。吞拿魚三味 ， 有哂唔同部分同口感既吞拿魚，我老錢表示大滿足。三文魚三味，油份好豐富，佢有灸燒，有配薑。松葉蟹三味，蟹腳超鮮甜，軍艦勁多蟹肉配上蟹膏，味道好濃郁。活鮑魚，第一次食生嘅鮑魚，原來佢嘅口感同蒸熟左嘅係超唔同，佢係好脆，有一種咬緊軟骨既感覺。左口魚邊，既新鮮又鮮甜，唔似d連鎖店，一d都無雪藏野既感覺。海鰻卷，佢既鰻魚卷有火灸過，變得更加香口。三色丼，佢有吞拿魚蓉丼，海膽丼，蟹肉蟹膏丼。佢d料係勁多，多到要爆出黎咁，無論視覺同口感都大滿足，海膽好鮮甜，依個真係不得了。餐廳無論環境食物質素店員服務都好好，一定會再嚟食過。